Դրութիւնք

յոգնաթախանձ բանից աւգտակարաց,

ապաշաւանաց, հոգեշահ խրատուց,

անձին ստգտանաց, զղջականաց կանոնաց կենաց՝

կամաւորական յանձնառութեանց,

աներեւութից յայտնութեանց,

մեղանաց խոստովանութեանց,

ցուցմունք գաղտնեաց,

տարածմունք ծածկեցելոց,

յանդիմանութիւնք թաքուցելոց,

սպեղանիք զաւրաւորք վիրաց անբժշկականաց,

դեղք ազդողականք ցաւոց անտեսականաց,

հնարաւորութիւնք բազմամասնեայ երկանց վտանգից,

ի դիմաց կարեաց ամենից բնութեանց,

առիթք արտասուաց, պատճառք աղաւթից՝

ի խնդրոյ հայցման

հարց միանձանց եւ բազմաց անապատականաց

ասացեալ

մատեան ողբերգութեան

Գրիգորի Նարեկայ վանից վանականի